18.I.2009 /GAK.

 

1990-cı il yanvarın 19-nda, Mixalil Qorbaçov, Sovet Sosialist Respublikaları İttifaqının Konstitutsiasının 119-cu maddəsini, xalqların təhlükəsizliyinin təmin olunması prinsipini, Azərbaycan Sovet Sosialist Respublikasının Konstitutsiasının 71-ci maddəsini kobud şəkildə pozaraq, yanvarın 20-ndən Bakıda fövqəladə vəziyyət elan edilməsi haqda fərman imzaladı. Və bununla, Azərbaycan xalqına divan tutdu. Tsar İmpersiyasının məkirli və müstəmləkəçi siyasətini davam etdirən Sovet İmperayasına qarşı, xalqımız öz iradəsini nümayiş etdirdi və milli müstəqillik tələbini ortaya qoydu.

Bugün də, Stokholmda, ABF-in Sundbybergdəki binasında, Durna cəmiyyətinin təşkilatçılığı və ABF Şimali Stokholm şöbəsinin əməkdaşlığı ilə, Qara Yanvar faciəsinin 19-cu ildönümünə həsr olunmuş tədbir keçirildi. Bir çox güneyli və quzeyli soydaşlarımızın iştirak etdiyi tədbirdə, 6 soydaşımız danışdılar. Onlardan bəziləri 20 yanvar faciəsi ilə bağlı öz kədərli xatirələrini, faktları və duyğularını paylaşdılar. Söhbət edənlər, Rus imperiyasının Azərbaycanda törətdiyi qətl və faciələri pislədilər və cinayətkarların beynəlxalq məhkəmələrdə məhkum olmağını tələb etdilər.

Tədbirdə, uşaqlar da iştirak edirdilər. Onlardan 6-sı Azərbaycana aid vətənpərvər şeirlər oxudular.

Mərasimdə, iştirakçılara halv və çay paylandı. Tədbir, saat 17-dən 19-dək, iki saat davam etdi.

 

Aşağıda bir neçə şəkil təqdim olunur. Tədbirdən video-lent, yaxın zamanda bu keçiddə təqdim olunacaqdır.

---